منتدى جنة


‏جمال الدنيا‏:‏ ينبع من عينيك‏ !
 
الرئيسيةمفاتيح جنةالتسجيلدخول

شاطر | 
 

 ميدان الجيزة

اذهب الى الأسفل 
كاتب الموضوعرسالة
جواد عربى
مشرفة متميزة
مشرفة متميزة
avatar

عدد الرسائل : 754
السٌّمعَة : 0
نقاط : 37605
تاريخ التسجيل : 09/01/2008

مُساهمةموضوع: ميدان الجيزة   الخميس ديسمبر 11, 2008 10:01 am


ميدان الجيزه

ضيعت شوية سنين كده ..
بحب من بعيد لبعيد ..
والحكاية مقضياني ..
ومبسوط وراضي وسعيد ..
أفرح بأي حاجة ..
وأستني هدوم العيد ..
و بعدين ضيعت شوية سنين ...
نفسي أبقي أشطر واحد في الكيميا ..
مع إني مش فاهم ميدان الجيزة ..
والحياة رغم قسوتها ..
شايفها لذيذة ..
وضيعت شوية سنين بقي ..
نفسي أعدي أحتبارات الكورة ..
في النادي الأهلي ..
وأشتغل في وكالة ناسا ..
وأبقي واحد م العلماء المهمين ..
و بعدين ضيعت شوية سنين ..
منتهي أملي كرسي فاضي ..
في أتوبيس تلات خمسات ..
عين الصيرة أم المصرين ..
وضيعت شوية سنين ..
عايز أفهم الفرق ..
بين النكسة والهزيمة ..
والأحترام وقلة القيمة ..
و أبقي نجم سيما ..
م المشهورين ..
وبعدين ضيعت شوية سنين ...
واقف عند نظرية المؤامرة ..
لا عارف أعيش ف الزمالك ..
ولا راضي أعيش ف غمرة ..
ومش عارف ليه ..
الحشيش ممنوع ..
مدام مصرحين بالخمرة ..
وياتري بقي أتجوز ..
واحدة بيضة ولا سمرة ..
ولا أسأل فيها ..
رجال الفتوي والدين ..
وضيعت شوية سنين ..
مركز ف السيراميك
والبيبان والشبابيك ..
وألوان الحيطان ..
وده بيج وده سن فيل ..
والمودة الأصفر ..
قشر الموزة ..
وضيعت شوية سنين ..
لا انا بحر ولا نيل ..
حاجة كده بعيد عنك ..
ملهاش عوزة ..
ولما بقيت كام وخمسين ...
لقيتني لسه ..
بحب من بعيد لبعيد ..
وبرضة مش فاهم ..
ميدان الجيزة

الرجوع الى أعلى الصفحة اذهب الى الأسفل
لولا
عضو فضى
عضو فضى
avatar

انثى عدد الرسائل : 1568
العمر : 30
السٌّمعَة : 5
نقاط : 32533
تاريخ التسجيل : 16/11/2009

مُساهمةموضوع: رد: ميدان الجيزة   الإثنين فبراير 22, 2010 9:34 pm

يسلموا ايدك يا جواد
الرجوع الى أعلى الصفحة اذهب الى الأسفل
لوجين
عضو فضى
عضو فضى
avatar

ذكر عدد الرسائل : 1099
العمر : 28
السٌّمعَة : 5
نقاط : 31056
تاريخ التسجيل : 27/02/2010

مُساهمةموضوع: رد: ميدان الجيزة   الجمعة مارس 05, 2010 7:33 pm

هههههههههههههههه
ده فعلا تحسه حال بعض الناس
تسلم ايدك ياجميل
الرجوع الى أعلى الصفحة اذهب الى الأسفل
 
ميدان الجيزة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جنة :: المبدعين :: شعر حلمنتيشى-
انتقل الى: