منتدى جنة


‏جمال الدنيا‏:‏ ينبع من عينيك‏ !
 
الرئيسيةمفاتيح جنةالتسجيلدخول

شاطر | 
 

 ماما أمريكا 00 للشاعر // محمد أبو زيد الأسيوطي

اذهب الى الأسفل 
كاتب الموضوعرسالة
جواد عربى
مشرفة متميزة
مشرفة متميزة
avatar

عدد الرسائل : 754
السٌّمعَة : 0
نقاط : 37605
تاريخ التسجيل : 09/01/2008

مُساهمةموضوع: ماما أمريكا 00 للشاعر // محمد أبو زيد الأسيوطي   الخميس نوفمبر 06, 2008 1:09 pm


ماما أمريكا 00 للشاعر // محمد أبو زيد الأسيوطي
ماما أمريكا تقولنا هش
كله في ثانية يخش العش
مش ح نكابر
ولا ح نغامر اصل أوامر
عمنا بوش
يبقي الوطن العربي بحالة
تركة ورثها أبوه عن خاله
وإحنا حلاله
يا ناس معلش
لما يحب يكون له مزاج
يدخل سوريا أو بغداد
أصله الواد
والواد بيقش
أما الشايب عيني عليه يعمل إيه
ولا بيهش ولا بينش
واحنا بقينا ورق كوشتينة
كل الدنيا بتلعب بينا
كله بيكسب وإحنا بنخسر
و اللي بيلعب بينا بيقـدر
يرجع لينا بأيها وش
كوم أمريكا
آمال يزيد
وإحنا في قلب وطنا
عبيد
مش عارفين الدور علي مين
في فلسطــــين
صوت الاقصي يقول مش عار
يفصل بيني وبينكوا جدار
لو كان غاب عنكوا كتاب
ربنا يبقي المثوى النار
ليل ونهار
وأنا بنهار
قدام منكم
كل يهودي يزيد تجريحي
راح فين دينكم
ولا مسلم ولا حتي مسيحي
قادر يأخد أي قرار
يبكي الشعب بصوت مجروح
منا القدس خلاص بتروح
صوت مدبوح
يبكي يقول كفياكم
ظلم
عايزين سلم
نلقي الرد علينا
دمار
الاستعمار
عايز حرب
يرضي أمريكا يرضي الغرب
وقت الحرب
كل سلاح طبعا مسموح
ألف شهيد وشهيد وشهيد
أية ما يفيض الدم يسيل
كله يهون في سبيل
أمريكا لاجل ما تحكم
إسرائيل
كل العالم من يوم ادم
رسموا الحلم
وقالوا خلاص
لازم نملك كل الناس
ياما سقونا مرار الكأس
وبننداس
وبقالنا سنين
كسروا علينا جميع الأبواب
دخلوا علينا من الشبابيك
قالو خلاص ح نصفي حساب
حلفوا لشعــبنا
لنوريك
وفي نيو يــورك
رفعوا شعار للحرية
بصوت كداب
عملوا ضحية
وقالوا بلادنا بلاد إرهاب
في المحراب
صلوا وصاموا لدين الحرب
لموا الغرب
علينا وقالوا
اننا قال مش شعب سلام
وان كتير الخير ده علينا
قالوا حرام
إن الناس دي يكون لها صوت
لازم نكسرهم ونفوت
لازم صوت الحق يموت
سبوا وطعنوا
في الإسلام
بدأت حرب الدين والملة
قالوا لا يمكن نوصل إلا
لو خلينا الكل ينام
في الأوهام
نعمل أن هدفنا سلام
نضرب سوريا مع لبنان
فلمنا برضوا مع صدام
وإسرائيل
تضرب وتلاقي
في فلسطين
وسيبولنا الباقي
كل عراقي
ح يبقي حطام
فكر شيطاني
يبقي الجاني بريء في زمنا
والمظلوم
بقي هوه مدان
شرع أمريكا في البلدان
زي الداء
في العـــــراق
مع بريطانيا عملوا تحالف
قالوا مع بعض ح نعمل وحدة
مجلس أمن أمم متحدة
مش ح تخالف
رسموا وعدوا الاستعداد
قالوا الخير كله في بغداد
كل المجلس
قال مش ممكن
إلا الحرب قالوا لا يمكن
نرجع صعب
خدنا قرار م العهد السالف
عدوا جيوشهم
مين هيحوشهم
نهبوا بلادنا وقالوا تمام
شكرا قوي مستر صدام
ترمي بلادك وسط الخيه
للحرامية
وللإجرام
قالوا لابد الفوضي تزيد
علشان نفضل فيها كمان
خلوا الشعب يعيش متهان
زرعوا جراح عمراها ما تطيب
زرعوا الحزن
خلوا الطفل شعره يشيب
قبل آوان
داخل سجن
أبو غريب
شفنا أمريكا متعرية
أدي أمريكا وادي الحرية
شعب بحاله يبقي ضحية
طب فين هيه
حقوق الإنسان
بعد ما قالوا دي فيها سلاح
قالوا مفيش
فيها صـــدام لازم ينزاح
منبقــيش
علي حضارتها
جت خربتها وادي أخرتها
بقت بركان
يرضي دا مين في أيها دين
م الأديان
احكموا قولوا مين غلطان
مين الظالم طب مين خان
لو ناسيين
افتكروا زمان
درس أمريكا مع فيتنام
لأجل تنام
هيه وترتاح
يبقي النووي في أيدها سلاح
وإحنا في إيدنا
يبقي حرام
يبقي العربي يا ناس إرهابي
والأمريكي رسول إحسان
شرع أمريكا في البلدان
وفــي لبنان
عملوا عمايل يا ولداه
قالوا النصر في أيدنا مداه
يوم و التاني
يسلم لينا حزب الله
بس الحزب بدأ بإيمان
حرب المؤمن للعدوان
قالوا خلاص ح تروح
الهيبة
عيبة
في حق الأمريكان
لازم النصر يكون له سبيل
إسرائيل
بدأت في الحال
بالأطفال
وعشان بوش كمان منفوخ
قال لا شيوخ
ولا حتي صغار
دمر
حطـم مين يتكلـم
أنا فرعون
ربكم الأعظم
من كديا
حطموا في البنية التحتيه
عايز كل بلادهم دية
تبقي دمار
بقي مش عار
في جبين أمريكا
تشرب من دم الأطفال
دم ولانا بقي شلال
في أيدين غدار
خطفوا البسمة واحلي نهار
دهسوا كمان
زهر الأوطان
يبقي في شرع أمريكا
حلال
طب مين قال
هيه الروح مش برضوا
أمانه
ولا مذابح قانا
خيال
ألف سؤال
في جوانا يدين
الخاينين
هيه دي حرب المدنيين
في أيها دين
الشعب يباد
في أيها شرع عملتوا مزاد
بعتوا بلادنا الغاليه
رخيص
لو أبليس
كان قال دا محال
لكن ربك بالمرصاد
وحدة أراد
ونصر ربك حزبه
عشان
يصبحوا عبرة في كل زمان
ونقول إيه عن قصة
سوريا
ما هي مش كوريا
لأجل يهاب منها غراب
أمريكا العظمي دا أحنا العضمة
وهما كلاب
أما إيران
علشان فيها من الشجعان
عملت ليها أمريكا
حساب
قصة وكل ما فيها عذاب
وأقرا كتاب
أمريكا ح تعرف دول مين
همة
في السودان أفغانستان
تعرف عنهم اكتر لمه
ييجي اليوم ويكون لنا كلمة
نبني الوطن العــربي
بذمة
والإسلام
ترجع له الأمة
يومها النصر
ح يبقي حليف
بكرة تشوف مش تخاريف
اصبر بس الصبر جمــيل
لو خلــــينا نبينا دلـيل
يومها ح نقدر علي أمريكا
وإسرائيل



الرجوع الى أعلى الصفحة اذهب الى الأسفل
DOLLY
عضو فضى
عضو فضى
avatar

انثى عدد الرسائل : 1043
العمر : 33
السٌّمعَة : 0
نقاط : 35300
تاريخ التسجيل : 20/08/2008

مُساهمةموضوع: رد: ماما أمريكا 00 للشاعر // محمد أبو زيد الأسيوطي   الخميس نوفمبر 06, 2008 4:40 pm

بجد روووووعه يا محمد


Shocked
تسلم ايدك يا جميل
الرجوع الى أعلى الصفحة اذهب الى الأسفل
s0s0
عضو فعال
عضو فعال
avatar

انثى عدد الرسائل : 683
العمر : 27
السٌّمعَة : 0
نقاط : 34650
تاريخ التسجيل : 24/10/2008

بطاقة الشخصية
آge:
Niveau:
Points de vie:
0/0  (0/0)

مُساهمةموضوع: رد: ماما أمريكا 00 للشاعر // محمد أبو زيد الأسيوطي   الجمعة نوفمبر 07, 2008 4:42 pm

الرجوع الى أعلى الصفحة اذهب الى الأسفل
لوجين
عضو فضى
عضو فضى
avatar

ذكر عدد الرسائل : 1099
العمر : 28
السٌّمعَة : 5
نقاط : 31056
تاريخ التسجيل : 27/02/2010

مُساهمةموضوع: رد: ماما أمريكا 00 للشاعر // محمد أبو زيد الأسيوطي   الجمعة مارس 05, 2010 8:06 pm

الرجوع الى أعلى الصفحة اذهب الى الأسفل
أنوس
عضو فضى
عضو فضى
avatar

انثى عدد الرسائل : 1406
العمر : 32
السٌّمعَة : 6
نقاط : 32653
تاريخ التسجيل : 20/10/2009

مُساهمةموضوع: رد: ماما أمريكا 00 للشاعر // محمد أبو زيد الأسيوطي   الجمعة مارس 05, 2010 8:20 pm

تسلم ايديك
الرجوع الى أعلى الصفحة اذهب الى الأسفل
 
ماما أمريكا 00 للشاعر // محمد أبو زيد الأسيوطي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جنة :: المبدعين :: شعر حلمنتيشى-
انتقل الى: